اب ’ایمریٹس پے‘ سے ٹکٹ کی قیمت آسانی سے ادا کریں

امارات ایئر نے مسافروں کو ٹکٹ خریدنے کے لیے ادائیگی کا آسان حل پیش کیا ہے۔ مسافر اب ’ایمریٹس پے‘ سے ٹکٹوں کی قیمت آسانی سے ادا کرسکیں گے۔

یہ سہولت جرمنی اور برطانیہ میں مہیا ہے۔ ایمریٹس ڈاٹ کام کے ذریعے ٹکٹ خریدے جاسکتے ہیں۔ 

 دبئی میڈیا کی سرکاری ویب سائٹ کے مطابق امارات ایئر نے ٹکٹوں کی رقم کی ادائیگی کا نیا طریقہ کار جاری کرکے دنیا بھر میں اس حوالے سے پہلی فضائی کمپنی ہونے کا اعزاز حاصل کرلیا۔

امارات ایئر نے ایاٹا اور ڈوئچے بینک کے تعاون سے یہ انتظام کیا ہے۔  

امارات ایئر میں مالیاتی امور کے انچارج مائیکل ڈورسام نے کہا ہے کہ’ ہمارے لیے خوشی کی بات ہے کہ کمپنی نے مسافروں کو یہ سہولت فراہم کی ہے‘۔

انہوں نے کہا کہ’ ہماری مسلسل کوشش ہے کہ سفر کے ہر مرحلے میں ایمریٹس سے سفر کرنے والے راحت محسوس کریں‘۔

’نئی اور محفوظ سہولت سے وہ افراد فائدہ اٹھاسکتے ہیں جو عام طور پر کریڈٹ کارڈ استعمال نہیں کرتے۔ وہ مسافر بھی اس سہولت سے فائدہ اٹھائیں گے جو براہ راست ادائیگی کرتے ہیں‘۔