امارات میں کورونا کے ایک ہزار 520 نئے کیسز

متحدہ عرب امارات میں جمعے کو کورونا کے ایک ہزار 520 نئے کیسز سامنے آئے ہیں۔

نئے مریض مختلف قومیت سے ہیں، ان سب کی حالت مستحکم ہے اور انہیں ضروری علاج فراہم کیا جارہا ہے۔ ملک میں متاثرین کی تعداد بڑھ کر 6 لاکھ 90 ہزار 9 ہوگئی ہے۔

امارات کی سرکاری خبر رساں ایجنسی وام نے وزارت صحت کے حوالے سے بتایا کہ ’ملک میں پچھلے چوبیس گھنٹوں کے دوران کورونا کے مزید 2 لاکھ 73 ہزار 251 ٹیسٹ کیے گئے‘۔

بیان میں کہا گیا کہ’ متاثرہ مریضوں میں سے مزید ایک ہزار 481 مکمل صحت یاب ہوگئے۔صحت یاب ہونے والوں کی تعداد بڑھ کر 6 لاکھ 67 ہزار 74 ہوگئی ہے‘۔

وزارت کے مطابق’ پچھلے چوبیس گھنٹوں کے دوران کورونا کے زیرعلاج مریضوں میں سے مزید دو مریض چل بسے، مرنے والوں کی تعداد بڑھ کر ایک ہزار 969 ہوگئی‘۔

وزارت نے عوام کو احتیاطی تدابیر اور سماجی فاصلے کی پابندی جاری رکھنے کی ہدایت کی ہے۔