ای وی ایم پر الیکشن کمیشن جلد اپنی سفارشات پیش کرے: شبلی فراز
ای وی ایم پر الیکشن کمیشن جلد اپنی سفارشات پیش کرے: شبلی فراز
جمعرات 23 ستمبر 2021 17:21
شبلی فراز کا کہنا تھا کہ انتخابات کو غیر متنازعہ بنانے کے لیے ٹیکنالوجی کا استعمال ضروری ہے (فوٹو: ریڈیو پاکستان)
وفاقی وزیر سائنس و ٹیکنالوجی شبلی فراز نے کہا ہے کہ انتخابات کو غیر متنازعہ بنانے کے لیے ٹیکنالوجی کا استعمال ضروری ہے اور الیکٹرونک ووٹنگ میشن اس کے لیے ایک طریقہ کار ہے جسے الیکشن کمیشن کے پاس لے کر گئے۔
جمعرات کو اسلام آباد میں پریس کانفرنس کرتے ہوئے شبلی فراز کا مزید کہنا تھا کہ ضروری نہیں کہ انتخاب میں وہی مشین استعمال ہو جو بنائی گئی ہے، یہ الیکشن کمیشن کا مینڈیٹ ہے اور اس میں مداخلت نہیں کرنا چاہتے۔
انہوں نے الیکشن کمیشن سے اپیل کرتے ہوئے کہا کہ وہ مشین کے حوالے سے جلد اپنی سفارشات پیش کرے۔