سعودی ولی عہد محمد بن سلمان عرب دنیا کے قد آور رہنما، ویزوں کے نام پر جعلی پاکستانی ویب سائٹ، لیفٹیننٹ جنرل نگار جوہر سعودی عرب کی معترف اور ریاض میں اونٹوں کا پہلا ہوٹل سعودی عرب میں گذشتہ ہفتے کی اہم خبریں رہیں۔
سعودی ولی عہد محمد بن سلمان 2021 کے عرب دنیا کے قد آور رہنما قرار
1.94 ملین عربوں نے سعودی ولی عہد شہزادہ محمد بن سلمان کو 2021 میں عرب دنیا کا سب سے قد آور رہنما تسلیم کرلیا-
روس کے معروف نیوز چینل ’آر ٹی عربک‘ نے خصوصی سروے کا اہتمام کرکے صارفین سے استفسار کیا تھا کہ ان کی نظر میں 2021 میں سب سے قد آور عرب رہنما کون ہیں؟
مزید تفصیل کےلیے یہاں کلک کریں
ویزوں کے نام پر فراڈ کرنے والی جعلی پاکستانی ویب سائٹ بند
پاکستانی حکام نے شہریوں کو ویزوں کی فراہمی کے لیے بنائی گئی ایک ویب سائٹ بلاک کردی ہے۔
جدہ میں پاکستانی قونصلیٹ جنرل کی جانب سے جاری ایک بیان میں کہا ہے کہ ’pakistan.visaonline.org‘ نامی ویب سائٹ شہریوں کو ویزہ کی فراہمی کا لالچ دے کر ان سے فیس کی مد میں پیسے وصول کررہی ہے۔
بیان میں مزید کہا گیا ہے کہ یہ ایک جعلی ویب سائٹ ہے جو کہ ویزوں کے نام پر لوگوں سے فراڈ کررہی ہے۔
مزید تفصیل کےلیے یہاں کلک کریں
لیفٹیننٹ جنرل نگار جوہر خواتین کے لیے اصلاحات کرنے پر سعودی عرب کی معترف
پاکستان کی پہلی خاتون لیفٹیننٹ جنرل نگار جوہر نے خواتین کی فلاح و بہبود کے لیے اصلاحات کرنے پر سعودی عرب کی تعریف کی ہے۔
عرب نیوز کو دیے گئے خصوصی انٹرویو میں لیفٹیننٹ جنرل نگار جوہر نے مسلمان خواتین کو پیغام دیا ہے کہ وہ خود پر یقین رکھیں کیونکہ وہ ہر شعبے میں ترقی کرسکتی ہیں۔
’میں بہت خوش ہوں کہ سعودی فرمان روا کے قابل تحسین اقدامات کی بدولت خواتین اب ڈرائیونگ کرسکتی ہیں۔ میں حال ہی میں عمرہ ادا کرنے کے لیے گئی تو خواتین ڈرائیورز کو دیکھ کر بہت خوش ہوئی۔‘
مزید تفصیل کےلیے یہاں کلک کریں
کورونا کا ’ایکسپریس ٹیسٹ‘، رزلٹ تین گھنٹے میں
سعودی عرب میں وزارت صحت نے کہا ہے کہ کورونا وائرس کا تیز رفتار ٹیسٹ (آر اے ٹی) بہت اہم ہے- اس کا رزلٹ نمونہ لینے کے تین گھنٹے بعد مل جاتا ہے-
عاجل ویب سائٹ کے مطابق وزارت صحت نے ٹوئٹر کے اپنے اکاؤنٹ پر بتایا کہ تیز رفتار ٹیسٹ رزلٹ کورونا وائرس کو پھیلنے سے روکنے اور بہت جلد وائرس لگنے کی نشاندہی کردیتا ہے-
مزید تفصیل کےلیے یہاں کلک کریں
سمارٹ روبوٹ مسجد الحرام میں آب زم زم کی بوتلیں تقسیم کرنے لگا
حرمین شریفین کی انتظامیہ نے روبوٹ کے ذریعے آب زم زم کی بوتلوں کی تقسیم کا کام شروع کرادیا-
انتظامیہ مصنوعی ذہانت اور جدید ٹیکنالوجی سے بھرپور استفادہ کررہی ہے- روبوٹ کے ذریعے آب زم زم کی تقسیم کا اقدام اسی سلسلے کی ایک کڑی ہے-
مزید تفصیل کےلیے یہاں کلک کریں
عمرہ اجازت نامے میں ترمیم اور منسوخی کب تک ممکن؟
سعودی عرب میں وزارت حج و عمرہ نے توکلنا اور اعتمرنا ایپ کے ذریعے عمرہ اجازت نامے جاری کرانے والوں سے کہا ہے کہ اگر وہ اجازت نامے کی تاریخ میں کوئی ترمیم کرنا چاہتے ہوں تو اس کا مقررہ وقت شروع ہونے سے پہلے کرا سکتے ہیں- اجازت نامے کا وقت شروع ہونے پر ترمیم نہیں کرائی جا سکتی-
مزید تفصیل کےلیے یہاں کلک کریں
ریاض میں اونٹوں کا سب سے پہلا ہوٹل
کنگ عبدالعزیز کیمل میلہ ایڈیشن 6 میں دنیا بھر میں اونٹوں کے پہلے ہوٹل کا افتتاح کردیا گیا- میلہ دارالحکومت ریاض کے الصیاھد میں منعقد کیا جارہا ہے-
ہوٹل میں اونٹوں کے آرام و راحت کا پورا انتظام کیا گیا ہے- سعودی دارالحکومت ریاض کو یہ اعزاز حاصل ہوگیا ہے کہ یہاں دنیا بھر میں سب سے پہلے اونٹوں کا ہوٹل کھولا گیا ہے-
مزیف تفصیل کےلیے یہاں کلک کریں
تین سعودی قوانین کی خلاف ورزی پر 10 ہزار سے زیادہ شہریوں اور تارکین کو سزائیں
سعودی عرب میں محکمہ پاسپورٹ نے اقامہ، ملازمت اور سرحدی امن قوانین کی خلاف ورزی کرنے والے سعودیوں اور مقیم غیرملکیوں کے خلاف 10700 تادیبی فیصلے جاری کردیے- خلاف ورزیاں جمادی الاول 1443 ھ مطابق 5 دسمبر 2021 سے 3 جنوری 2022 تک کی ہیں-
مزید تفصیل کےلیے یہاں کلک کریں
روضہ رسول پر حاضری کے اجازت نامے مردوں تک محدود
