بیت المقدس میں برفباری، سکول بند اور تجارتی مراکز بند

بیت المقدس میں سردی کی شدید لہر اور برفباری کے باعث  شہری زندگی متاثر ہوگئی جبکہ سکول، تجارتی ادارے اور بینک بند ہوگئے ہیں۔

سبق ویب سائٹ کے مطابق فلسطینی محکمہ موسمیات نے توقع ظاہر کی ہے کہ آج جمعرات اور کل جمعہ کو سردی کی لہر نکتہ عروج تک پہنچے گی۔

محکمے کا کہنا ہے کہ ’مشرقی بیت المقدس میں برفباری کا سلسلہ جاری ہے جبکہ جمعرات اور جمعہ کی درمیانی شب برفباری کی شدت میں مزید اضافہ ہوگا‘۔

فلسطینی حکام نے شدید سردی کے باعث تمام سکول میں تعلیمی سرگرمیاں معطل کر دی ہیں جبکہ بینک اور کئی تجارتی ادارے بند ہوگئے ہیں۔

دریں اثنا فلسطین کے متعدد شہروں میں سردی کی لہر جاری ہے جبکہ رام اللہ، نابلس ، بیت لحم اور الخلیل میں برفباری ہو رہی ہے۔