تھائی لینڈ سے عمرہ زائرین کا پہلا قافلہ جدہ پہنچ گیا

وزارت حج  وعمرہ نے کہا ہے کہ تھائی لینڈ سے عمرہ زائرین کا پہلا قافلہ جدہ کے کنگ عبد العزیز انٹر نیشنل ایئر پورٹ پہنچ گیا ہے۔

سبق ویب سائٹ کے مطابق عمرہ زائرین سعودی ایئرلائن کے ذریعہ جدہ پہنچے ہیں۔

دریں اثنا قومی کمیٹی برائے حج وعمرہ کے رکن ہانی علی العمیری نے کہا ہے کہ ’سعودی عرب اور تھائی لینڈ کے سفارتی تعلقات کی بحالی کے بعد عمرہ زائرین کی آمد میں آسانیاں ہوئی ہیں‘۔

انہوں نے کہا ہے کہ ’تھائی عمرہ زائرین جدہ سے مدینہ منورہ روانہ ہوں گے جہاں چند دن قیام کے بعد انہیں مکہ مکرمہ عمرہ ادا کرنے لے جایا جائے گا‘۔