کرپشن کے الزام میں 258 افراد سے تفتیش، 127 گرفتار

 ادارہ انسداد کرپشن نے کہا ہے کہ ماہ شعبان کے دوران کرپشن کے الزام میں 258 افراد سے تفتیش کی گئی ہے جبکہ 127 افراد کو حراست میں لیا گیا ہے۔

سبق ویب سائٹ کے مطابق محکمے نے کہا ہے کہ ’مذکورہ مہینے میں ادارے کے اہلکاروں نے 5279 تفتیشی دورے کئے ہیں‘۔

ادارہ انسداد کرپشن نے کہا ہے کہ ’جن لوگوں کو حراست میں لیا گیا ہے ان کا تعلق وزارت دفاع، وزارت داخلہ، وزارت نیشنل گارڈ، وزارت صحت، وزارت انصاف اور وزارت تعلیم سے ہے‘۔

ادارے نے بتایا ہے کہ ’زیر حراست افراد پر رشوت، منصب کا ذاتی استعمال، منی لانڈرنگ اور جعلسازی کے الزامات ہیں‘۔