دمام کورنیش پر کانٹے سے شارک کا شکار، وڈیو وائرل 

سعودی عرب میں سعودی نوجوان نے دمام کورنیش پر کانٹے سے شارک کا شکار کیا ہے، اس وڈیو سوشل میڈیا پر وائرل ہے۔

العربیہ نیٹ کے مطابق سوشل میڈیا پر دمام کورنیش سے شارک کے شکار کی وڈیو پر صارفین حیرت کا اظہار کررہے ہیں کہ کانٹے کے ذریعے  شارک کو کیسے شکار کیا گیا۔

وائرل وڈیو میں دیکھا جاسکتا ہے کہ سعودی نوجوان دمام کورنیش کے سامنے عام کانٹے کے ذریعے شکار کی  جانے والی شارک دکھا رہا ہے۔ 

شارک اوسط سائز کی ہے۔ سعودی نوجوان شارک کے کانٹے میں پھنس جانے پر خوشی کا اظہار کرتے ہوئے کہہ رہا ہے کہ ’دیکھیں شارک کا حجم کتنا ہے اور یہ کانٹے میں کس طرح پھنس گئی‘۔ 

یاد رہے ک شارک کی کئی اقسام  ہوتی ہیں۔ ان میں سے بعض حملہ آور نہیں ہوتیں۔ بیشتر شارک بڑے سمندر میں پائی جاتی ہیں۔