سعودی عرب میں 10 ہزار 842 غیر قانونی تارکین گرفتار
’کل تعداد میں سے 6916 افراد اقامہ قوانین کی خلاف ورزی کے جرم میں ملوث پائے گئے ہیں‘ (فوٹو: سبق)
سعودی عرب میں غیر قانونی تارکین کے خلاف مہم جاری ہے جہاں گزشتہ ہفتے 10 ہزار 842 افراد گرفتار ہوئے ہیں۔
سعودی پریس ایجنسی کےمطابق گرفتار شدگان کی مذکورہ تعداد 28 اپریل سے 4 مئی تک کی ہے۔
غیر قانونی تارکین کے خلاف مہم چلانے والی مشترکہ کمیٹی نے کہا ہے کہ ’گرفتار شدگان کی سب سے زیادہ تعداد اقامہ قوانین کی خلاف ورزی کی مرتکب تھی‘۔
’کل تعداد میں سے 6916 افراد اقامہ قوانین کی خلاف ورزی کے جرم میں ملوث پائے گئے ہیں‘۔
’اسی طرح 2918 افراد سرحدی قوانین کی خلاف ورزی کر رہے تھے جبکہ 1008 گرفتار شدگان لیبر قوانین کی خلاف ورزی میں ملوث تھے‘۔
کمیٹی نے کہا ہے کہ ’سعودی عرب کی سرحد عبور کرکے ملک میں غیر قانونی طور پر داخل ہونے کی کوشش کرتے ہوئے 352 افراد کو گرفتار کیا گیا ہے‘۔
’ان میں سے 56 فیصد یمنی، 36 فیصد ایتھوپی جبکہ 8 فیصد دیگر ممالک کے تارکین ہیں‘۔
کمیٹی نے کہا ہے کہ ’مذکورہ عرصے کے دوران 9 افراد کو بھی گرفتار کیا گیا ہے جو غیر قانونی تارکین کو سہولت فراہم کر رہے تھے‘۔
بین الاقوامی تعلیمی نمائش اتوار سے ریاض میںNode ID: 666656
