سعودی عرب میں فلکیاتی کمیٹی کے سربراہ انجینئرماجد ابوزاھرۃ کا کہنا ہے کہ’ پیر 16 مئی کو مملکت کے مغربی علاقوں میں جزوی طور پرچاند گرھن ہو گا۔ مختلف ممالک میں اس کا دورانیہ مختلف ہوگا جو 5 گھنٹے تک ہو سکتا ہے‘۔
العربیہ نیٹ کے مطابق انجینئرماجد ابوزاھرۃ نے مزید کہا کہ ’جزوی طور پر ہونے والا چاند گرہن سورج نکلنے سے قبل تک رہے گا جو مکہ مکرمہ وقت کے مطابق 5 بج کر28 منٹ ہوگا‘۔
ابوزھرۃ کا مزید کہنا تھا کہ’ مملکت کے مغربی ریجن کے مختلف شہروں میں ہونے والے جزوی چاند گرھن کا دورانیہ بھی مختلف رہے گا جس کے مطابق مکہ مکرمہ میں 15 منٹ، مدینہ منورہ میں 10، جدہ 16، رابغ 13، بینبع 14، تبوک 13، ابھا 6 اور جازان میں 8 منٹ ہو گا‘۔
