ایران میں حجاب کے خلاف احتجاج مغربی سازش ہے، علی خامنہ ای
جمعہ 29 جولائی 2022 20:07
علی خامنہ ای نے کہا کہ ’دشمنوں کا مقصد لوگوں میں شک پھیلانا اور ان کے ایمان کو متزلزل کرنا ہے۔‘ (فائل فوٹو: اے ایف پی)
برطانوی اخبار دی ٹائمز نے جمعے کو کہا ہے کہ ایران کے سپریم لیڈر علی خامنہ ای نے حجاب کے خلاف احتجاج کرنے والی ایرانی خواتین پر طنز کرتے ہوئے انہیں برطانیہ اور امریکہ کی جانب سے کی جانے والی مغربی سازش کی متاثرین قرار دیا ہے۔
دی ٹائمز کے مطابق علی خامنہ ای نے کہا ہے کہ برطانیہ اور ’خاص طور پر‘ امریکہ نے اپنے میڈیا کو ایران میں خواتین پر حکام کی طرف سے عائد کردہ لباس پر ’حملہ‘ کرنے کے لیے تعینات کیا ہے۔
انہوں نے کہا کہ ’دشمنوں کا مقصد لوگوں میں شک پھیلانا اور ان کے ایمان کو متزلزل کرنا ہے، جو ملک اور اسلامی نظام کو قائم رکھنے کا بنیادی عنصر ہے۔‘
واضح رہے کہ سنہ 1979 کے انقلاب کے بعد لباس کے حوالے سے نافذ کیے گئے ضابطے کے خلاف ایران میں خواتین کئی دہائیوں سے احتجاج کر رہی ہیں۔
12 جولائی کو حجاب اور حیا کے قومی دن کے موقع پر انسانی حقوق کے کارکنوں نے سول نافرمانی کی مہم میں خواتین سے حجاب اتارنے کا مطالبہ کیا۔
پوتن کا ایران و ترک رہنماؤں سے بات چیت کے لیے دورہ تہرانNode ID: 686321
ایرانی ایئر ٹریفک کنٹرول کی مبینہ غفلت، ’تحقیقات کر رہے ہیں‘Node ID: 688216
