اُروشی روٹیلا کے بعد ایک اور انڈین اداکارہ نسیم شاہ کی فین بن گئی

نسیم شاہ نے جہاں ایشیا کپ میں افغانستان کے خلاف یادگار چھکے لگا کر دنیا بھر کے شائقینِ کرکٹ کے دل جیت لیے ہیں وہیں انڈین شوبز سٹار بھی نسیم شاہ سے متاثر لگ رہے ہیں۔

بدھ کے روز شارجہ میں افغانستان کے خلاف میچ کے بعد انڈین ٹی وی اداکارہ سُربھی جیوتی نے نسیم شاہ کی تعریف میں سماجی رابطوں کی ویب سائٹ ٹوئٹر پر ٹویٹ کردی۔

سُربھی جیوتی لکھتی ہیں کہ ’پاکستان کو سچ میں ایک نگینہ مل گیا ہے۔‘

نسیم شاہ سے متاثر ہونے والی سُربھی جیوتی اںڈیا کی ڈرامہ انڈسٹری کی مشہور اداکارہ ہیں جنھوں نے ناگن، قبول ہے اور عشق باز جیسے کامیاب ڈراموں میں کام کیا ہے۔

اس سے پہلے انڈین اداکارہ اور ماڈل گرل اُروشی روٹیلا نے بھی فوٹو اور ویڈیو شیئرنگ پلیٹ فارم انسٹاگرام پر اپنی اور نسیم شاہ کی ایڈیٹ کی ہوئی ویڈیو سٹوری پر اپلوڈ کی تھی جو تھوڑی ہی دیر میں وائرل ہوگئی تھی۔

نسیم شاہ کے بارے میں سُربھی جیوتی کے ٹویٹ پر ٹوئٹر صارفین بھی تبصرے کر رہے ہیں۔

عائشہ محمود لکھتی ہیں کہ ’اُروشی اپنے اصلی اکاؤنٹ سے آؤ۔‘

عدیل کہتے ہیں کہ ’نسیم پر ایک اور کَرش۔‘

حمزہ خالد نے لکھا کہ ’بالی وُڈ اور ڈرامہ انڈسٹری ہمارے لڑکے کے پیچھے ہی پڑ گئی ہیں۔‘