کرپشن کے الزام میں 147 افراد سے تفتیش، 97 زیر حراست

ادارہ انسداد کرپشن نے کہا ہے کہ ماہ صفر کے دوران 3164 دورے ہوئے ہیں جن میں 147 افراد سے تفتیش ہوئی ہے جبکہ 97 افراد کو حراست میں لیا گیا ہے۔

سبق ویب سائٹ کے مطابق  جن افراد سے تفتیش کی گئی ہے ان کا تعلق وزارت دفاع، وزارت داخلہ، وزارت بلدیات اور وزارت ٹرانسپورٹ سے ہے۔

ادارے نے کہا ہے کہ ’کرپشن، رشوت، جعلسازی ،منی لانڈرنگ اور منصب کے ناجائز استعمال پر مذکورہ افراد کو حراست میں لیا گیا ہے‘۔

ادارے نے کہا ہے کہ ’زیرحراست افراد میں سے بعض کو ضمانت پر رہا کیا گیا ہے جبکہ تفتیشی کارروائی جاری ہے‘۔