فوڈ اینڈ ڈرگ اتھارٹی کی کارروائی غیر قانونی ڈیری فارم سیل
جمعرات 13 اکتوبر 2022 21:44
تفتیشی ٹیم نے 4 سوکلوسے زائد غیرمعیاری ڈیری مصنوعات ضبط کیں(فوٹو، ٹوئٹر)
سعودی فوڈ اینڈ ڈرگ اتھارٹی (ایس ایف ڈی اے) نے ریاض میں ڈیری فارموں پر چھاپہ مہم کے دوران ڈیری مصنوعات میں جعلسازی کرنے والے فارم کے خلاف کارروائی کردی۔
سبق اور عاجل ویب سائٹس کے مطابق ڈیری فارم کین پر جو معلومات درج کیے ہوئے تھا وہ کین میں موجود چیز سے یکسر مختلف تھیں۔
ایس ایف ڈی اے کے ٹوئٹراکاؤنٹ پر کہا ہے کہ انسپکٹرز نے 432 کلو گرام جعلی ڈیری مصنوعات ضبط کی ہیں۔ فارم کے خلاف قانونی کارروائی کرلی گئی۔
