گاڑیوں اور موٹر سائیکلوں کی نمایاں نمبر پلیٹ کی نیلامی آج سے

محکمہ ٹریفک نے کہا ہے کہ آج اتوار سے گاڑیوں اور موٹر سائیکلوں کی نمایاں نمبر پلیٹس کی نیلامی ہو گی۔

سبق ویب سائٹ کے مطابق محکمے نے کہا ہے کہ ’ہفتہ وار نیلامی میں ابشر پورٹل کے ذریعہ شرکت کی جا سکتی ہے۔‘

’نمایاں نمبر پلیٹ کے نیلامی حسب معمول بدھ تک جاری رہے گی جس کے بعد اتوار تک ملتوی کر دی جائے گی۔‘

محکمے نے کہا ہے کہ ’نمایاں نمبر پلیٹس کی نیلامی میں سعودی شہریوں سمیت غیرملکی بھی حصہ لے سکتے ہیں۔‘

’نیلامی میں شرکت کا طریقہ یہ ہے کہ ابشر اکاؤنٹ میں لاگ اِن ہوں، محکمہ ٹریفک کی خدمات میں جائیں اور وہاں سے نیلامی میں حصہ لے سکتے ہیں۔‘