ادارہ احتساب میں 14 ججوں کے تقرر اور ترقی کا شاہی فرمان

خادم حرمین شریفین شاہ سلمان بن عبدالعزیز نے ادارہ احتساب (دیوان المظالم) میں مختلف درجوں پر 14ججوں کے تقرراورترقی کا شاہی فرمان جاری کیا ہے۔

سعودی خبررساں ادارے ایس پی اے کے مطابق ادارہ احتساب کے سربراہ شیخ ڈاکٹر خالد الیوسف نے کہا کہ’ شاہی فرمان کے بموجب اپیل کورٹ کے سربراہ اور سیکریٹری کورٹ کی ترقی ہوئی ہے‘۔

علاوہ ازیں اے، بی اور جی کلاس کے لیے ججوں کی ترقی بھی عمل میں آئی ہے جبکہ دو ججوں کا تقرر کیا گیا ہے۔ 

ڈاکٹرخالد الیوسف نے کہا کہ’ تقرراور ترقی کے نئے شاہی فرمان کی بدولت ادارہ احتساب کی کارکردگی میں مزید بہتری آئے گی۔ کام میں تیزی پیدا ہوگی اور کام کا معیار بھی بلند ہوگا‘۔