نجران، جازان، عسیر اور تبوک میں منشیات سمگل کرنے کی کوششیں ناکام
نجران، جازان، عسیر اور تبوک میں منشیات سمگل کرنے کی کوششیں ناکام
بدھ 28 دسمبر 2022 18:15
ترجمان کا کہنا ہے پکڑے گئے سمگلروں میں سے 338 درانداز ہیں ( فوٹو ایس پی اے)
سعودی عرب میں سرحدی محافظوں نے چارعلاقوں میں 29.2 ٹن قات (نشہ آور پتے) اور ایک ٹن 766 کلو گرام حشیش سمگل کرنے کی کوششیں ناکام بنائی ہیں۔
عکاظ اخبار کے مطابق سرحدی محافظوں کے محکمے کے ترجمان کرنل مسفر القرینی نے بیان میں کہا کہ’ نجران، جازان، عسیر اور تبوک میں سرحدی محافظوں نے منشیات سمگل کرنے کی کوششیں 3 سے 24 دسمبر کے دوران ناکام بنائی ہیں‘۔
سمگلروں کو قانونی کارروائی کے بعد متعلقہ ادارے کے حوالے کردیا گیا(فوٹو ایس پی اے)
کرنل القرینی نے بتایا کہ ’361 سمگلر رنگے ہاتھوں گرفتار کرلیے گئے۔ ان میں سے 23 کا تعلق سعودی عرب اور 338 کا دراندازوں سے ہے۔ دراندازوں میں261 یمنی، 70 ایتھوپین اور7 اریٹیرین ہیں‘۔
ترجمان نے کہا کہ ’سمگلروں کو ابتدائی قانونی کارروائی کے بعد ضبط شدہ منشیات سمیت متعلقہ ادارے کے حوالے کردیا گیا۔‘
