پشاور حملے کے بارے میں میڈیا پر تبصرہ، شاندانہ گلزار پر ایف آئی آر

پی ٹی آئی رہنما اور سابق رکن قومی اسمبلی شاندانہ گلزار کے خلاف پشاور حملے پر تبصرہ کرنے پر اسلام آباد میں مقدمہ درج کر لیا گیا۔

شاندانہ گلزار کے خلاف مقدمہ تھانہ وومن میں درج کیا گیا ہے۔ مقدمہ مجسٹریٹ عبدالہادی کی مدعیت میں درج ہوا ہے۔

ایف آئی آر کے متن میں مدعی کی طرف سے لکھا گیا ہے کہ ’آفس میں موجود تھا کہ نجی ٹی وی چینل پر پی ٹی آئی رہنما کا انٹرویو نشر ہوا۔ جس میں انہوں نے کہا پشاور کی رہائشی ہوں اس شہر کو چُور چُور ہوتے دیکھا۔‘

’جزل مشرف کے دور میں جب جنرل نے خود کو فرعون سمجھنا شروع کیا تو شہر کی شامت آئی،متن

ایف آئی آر کے مطابق پی ٹی آئی رہنما نے کہا کہ ’ملک کے اتنے شہر ہیں اور اتنی چھاؤنیاں ہیں طالبان کو پنجاب یا لاہور میں رکھیں کے پی میں ہی کیوں ہیں۔ بھارت ہمارا دشمن ہے بارڈر پر کچھ ہو سکتا ہے انہیں وہاں رکھا جائے۔‘

مقدمے پر ردعمل دیتے ہوئے مرکزی سیکرٹری جنرل تحریک انصاف اسد عمر کا کہنا تھا کہ ’سابق رکن قومی اسمبلی شاندانہ گلزار خان پر خیالات کے اظہار پر مقدمہ درج کرلیا گیا ہے۔‘

ملک میں دھماکے ہو رہے ہیں، دہشت گردی تیزی سے پھیل رہی ہے اور یہاں تحریک انصاف والوں کی تقریریں اور ٹی وی پروگرام صبح شام دیکھ کر مقدمے بنائے جا رہے ہیں۔‘