ابوظبی میں اسلحہ کی عالمی نمائش،مملکت کی شرکت

 ابوظبی میں منعقد ہونے والی اسلحہ  کی بین الاقوامی نمائش IDEX 2023 میں سعودی عرب بھی شرکت کرے گا۔ نمائش 20 سے 24 فروری تک جاری رہےگی۔ 

عاجل ویب سائٹ کے مطابق آرمز انڈسٹریل سیکٹر کی جانب سےکہا گیا ہے کہ جنرل اتھارٹی برائے ملٹری انڈسٹریز، وزارت داخلہ، وزارت سرمایہ کاری اور بین الاقوامی اسلحہ نمائش کے ساتھ آئیڈکس 2023 میں شریک ہوگا۔

سیکیورٹی، ڈیفنس اورملٹری انڈسٹریز کے شعبے میں ماہر سعودی قومی کمپنیاں اور بڑے ادارے شامل رہیں گے۔ 

سعودی عرب مذکورہ نمائش میں پویلین لگائے گا۔ مملکت کے تمام متعلقہ ادارے اپنے یہاں ملٹری انڈسٹریزکے شعبے میں غیرملکی سرمایہ کاروں کے سامنے نئے امکانات پیش کریں گے۔