سعودی وزارت افرادی قوت اور سماجی بہبود نے ہفتے میں تین دن کی چھٹی کے حوالے سے سوشل میڈیا پر وائرل اطلاع کے حوالے سے وضاحتی بیان جاری کیا ہے۔
اخبار24 کے مطابق وزارت سے اس اطلاع کے حوالے سے استفسار کیا گیا تھا جس میں دعوی کیا جا رہا ہے کہ جلد مملکت میں ہفتے میں تین دن کی چھٹی کا قانون جاری ہونے والا ہے۔
وزارت کا کہنا ہے کہ’ موجودہ قانون محنت پر نظر ثانی کی جارہی ہے۔ معمول کے مطابق وقتا فوقتا قوانین میں ردو بدل کے لیے جائزہ لیا جاتا رہتا ہے‘۔
’وزارت مزید سعودی شہریوں کو ملازمتیں فراہم کرنے،ملکی اور بین الاقوامی سرمایہ کاروں کے لیے سعودی مارکیٹ کو زیادہ سے زیادہ پرکشش بنانے کےلیے کوشاں ہے‘۔
وزارت کا کہنا ہے کہ ’نئے قانون محنت کا مجوزہ مسودہ رائے عامہ کے جائزے کےلیے پورٹل پر جاری کردیا گیا ہے‘۔
