پاکستان تحریک انصاف (پی ٹی آئی) نے کہا ہے کہ پارٹی کے سندھ کے صدر علی زیدی کو پولیس نے گرفتار کر لیا ہے۔
سنیچر کو پاکستان تحریک انصاف کے مرکزی سیکریٹری اطلاعات فرخ حبیب نے علی زیدی کی گرفتاری کی تصدیق کی۔
مزید پڑھیں
-
لاہور میں شہباز گل پر بغاوت کا مقدمہ، پنجاب حکومت خاموشNode ID: 724376
-
تحریک انصاف کے رہنما علی امین گنڈاپور گرفتار، عمران خان کی مذمتNode ID: 756386
علی زیدی کے خلاف مقدمہ ضلع ملیر کے تھانہ ابراھیم حیدری میں درج ہے۔ مقدمے میں مدعی نے دعویٰ کیا ہے کہ ’علی زیدی نے پراپرٹی کے عوض پیسے وصول کیے لیکن نہ پراپرٹی دی گئی اور نا ہی پیسے واپس کیے گئے ہیں۔‘
پی ٹی آئی رہنما کے خلاف مقدمے میں دھوکہ دہی سمیت دیگر دفعات شامل کی گئی ہے۔ تاہم اب تک پولیس کی جانب سے باقاعدہ گرفتاری کی تصدیق یا تردید نہیں کی گئی ہے۔
چیئرمین پی ٹی آئی عمران خان نے علی زیدی کی گرفتاری کی شدید مذمت کی ہے۔
ایک ٹویٹ میں انہوں نے کہا کہ ’ہمارے ایک اور سینیئر رہنما علی زیدی کی کراچی سے گرفتاری کی شدید مذمت کرتا ہوں۔ یہ سب لندن پلان کا منصوبہ ہے جہاں نواز شریف کو یقین دہانی کروائی گئی کہ پی ٹی آئی کو کچل دیا جائے گا۔‘
Strongly condemn arrest of another of our senior leaders, Ali Zaidi from Karachi. All part of the London Plan where Nawaz given assurances PTI would be crushed. Over 3000 PTI workers arrested, abducted, terrorised. Ali Amin & now Ali Zaidi abducted. A new plan underway for more
— Imran Khan (@ImranKhanPTI) April 15, 2023