سعودی وزیر خارجہ شہزادہ فیصل بن فرحان سے پیر کو جدہ میں جمہوریہ وینزویلا کے وزیر خارجہ نے ملاقات کی ہے۔
سرکاری خبر رساں ایجنسی ایس پی اے کے مطابق ملاقات میں دونوں دوست ملکوں کے درمیان تعاون کے پہلووں، مختلف شعبوں میں انہیں بڑھانے اور ترقی دینے کے طریقوں کا جائزہ لیا گیا۔
دونوں دوست ملکوں کے لیے تشویش کے کئی علاقائی اور بین الاقوامی ایشوز میں مشترکہ کوآرڈینیشن تیز کرنے پر بھی تبادلہ خیال کیا گیا۔
دونوں وزرائے خارجہ نے بین الاقوامی امن وسلامتی کی بنیاد رکھنے اور عالمی پائیدار ترقی کے اہداف کے حصول میں کرادار ادا کرنے میں دونوں ملکوں کی کوششوں پر بھی بات چیت کی ہے۔
