عید الفطر کا چاند آج دیکھنے کی کوشش کی جائے: سعودی سپریم کورٹ

سعودی سپریم کورٹ نے کہا ہے کہ مملکت کے تمام علاقوں میں آج بروز سنیچر 29 رمضان المبارک کی شام ماہ شوال کا چاند دیکھنے کی کوشش کی جائے۔

سعودی نیوز ایجنسی ’ایس پی اے‘ کے مطابق سپریم کورٹ کی جانب سے جاری بیان میں مزید کہا گیا ہے کہ ’29 رمضان المبارک کی شام کو عید الفطر کا چاند دیکھا جائے، چاند دیکھنے کے بعد گواہی ریکارڈ کرانے کے لیے ریجنل اداروں سے رابطہ کیا جاسکتا ہے۔‘

واضح رہے کہ مملکت میں رویت ہلال کی گواہی ملنے کے بعد ہی سرکاری سطح پرعید کا اعلان کیا جاتا ہے۔ سپریم کورٹ کی جانب سے رویت کمیٹیوں کو بھی ہدایت کی جاتی ہے کہ چاند دیکھتے ہی ریجنل عدالتی دفاتر یا علاقے کے متعلقہ اداروں سے رابطہ کر کے گواہی ریکارڈ کرائی جائے۔