سعودی عرب کے دارلحکومت ریاض میں ایک گاڑی پل کے نیچے دوسری کار پر جا گری۔ دو افراد کے زخمی ہونے کی اطلاع ہے۔
العربیہ نیٹ کے مطابق حادثے کی وڈیو سوشل میڈیا پر وائرل ہے جس میں دیکھا جا سکتا ہے کہ ریاض کے کنگ فہد روڈ انس بن مالک اٹنرسیکشن ٹنل پر ایک پل سے گاڑی ریلنگ توڑتی ہوئی نیچے دوسری گاڑی پر جاگری۔
وڈیو کلپ میں یہ دیکھا جا سکتا ہے کہ ’حادثے کے بعد دونوں کاریں تباہ ہوگئیں۔ پل کی ریلنگ ٹوٹنے اور گاڑیاں الٹنے سے ٹریفک معطل ہو گیا‘۔
سوشل میڈیا صارفین کا کہنا ہے کہ’ اس طرح کے حادثات زیادہ تر تیز رفتاری یا دوران ڈرائیونگ موبائل فون کے استعمال سے ہوتے ہیں‘۔
