اردن کی رائل فضائیہ کا کوبرا ساختہ ہیلی کاپٹر دوران تربیت گر کر تباہ ہوگیا۔ پائلٹ اور کو پائلٹ زخمی ہوئے ہیں۔
اردنی خبررساں ادارے پٹرا کے مطابق اردن کے فوجی عہدیدار نے بتایا کہ ’ہیلی کاپٹر پیر کو معمول کی تربیتی پرواز پر تھا۔ ہیلی کاپٹر گرنے سے کوئی جانی نقصان نہیں ہوا‘۔
بیان میں کہا گیا کہ ’ہیلی کاپٹر کے حادثے میں پائلٹ اور کو پائلٹ زخمی ہوئے۔ دونوں کو الحسین میڈیکل سٹی میں داخل کرادیا گیا۔ان کی حالت خطرے سے باہر ہے‘۔
اردنی فوجی کمانڈ نے مقامی شہریوں سے اپیل کی کہ ’وہ فوجی ہیلی کاپٹر کے حادثے کے حوالے سے پھیلائی جانے والی افواہوں پر توجہ نہ دیں اس قسم کی باتوں سے بلاوجہ تشویش پیدا ہوتی ہے‘۔
’صرف انہی خبروں پر یقین کریں جو سرکاری ذرائع سے جاری کی جارہی ہیں‘۔
