فاؤنڈیشن برائے تحفہ اور تخلیقی صلاحیت (موھبہ) کی ایک رپورٹ کے مطابق مملکت کے نوجوانوں کی جانب سے انٹرنیشنل سائنسی مقابلوں میں جیتنے والے ایوارڈز کی تعداد 2020 میں 57، 2021 میں 72 اور 2022 میں 94 تھی۔
موھبہ مسک سکولز کے ساتھ معاون ماحول فراہم کر کے سعودی عرب کے نوجوانوں کو بااختیار بنانے کے پروگرام میں سب سے آگے رہے ہیں۔
سعودی ولی عہد شہزادہ محمد بن سلمان نے 2016 میں مسک سکولز قائم کیے تھے
جو مصنوعی ذہانت، خلائی تحقیق، پیشہ ورانہ سپورٹس اور سیاحت سمیت متعدد شعبوں میں نوجوان سعودیوں کی رہنمائی کرتے ہیں۔
مسک سکولز کے ڈائریکٹر جنرل ڈاکٹر سٹیفن سومر نے کہا کہ ’ مسک نوجوانوں کو بااختیار اور ان کی اختراعی صلاحیتوں کو بڑھاتا ہے، یہ کاروبار کو آگے بڑھانے اور ملازمتیں پیدا کرنے کی صلاحیت کو بڑھاتا ہے جس کے نتیجے میں پیداواری صلاحیت اور اقتصادی ترقی میں اضافہ ہوتا ہے‘۔
انہوں نے مزید کہا کہ ’ جب آپ نوجوانوں کو بااختیار بناتے ہیں تو وہ خود اعتمادی، آزاد سوچ رکھنے والے بن جاتے ہیں، ایسے کیریئر کو آگے بڑھانے کے لیے حوصلہ افزائی کرتے ہیں جو ان کی قوم کے ساتھ ساتھ ان کے اپنے مستقبل میں بھی حصہ ڈالتے ہیں‘۔
سعودی ولی عہد نے 2016 میں مسک سکولز قائم کیے تھے(فوٹو: عرب نیوز)
موھبہ کے پروگرام کا مقصد ہونہار نوجوانوں کے لیے انتخاب کے لیے ایک جدید سائنسی طریقہ کار کا استعمال کرتے ہوئے سائنس، ٹیکنالوجی اور قومی ترجیح کے دیگر شعبوں میں طلبہ کی صلاحیتوں کی پیمائش کرنا ہے۔
موھبہ کے ڈپٹی سیکریٹری جنرل ڈاکٹر باسل السدحان نے کہا کہ ’ہونہار طلبہ کی شناخت کرکے ہم قومی ٹیلنٹ کی بنیاد بنا رہے ہیں جو سعودی معیشت کی تبدیلی کو حاصل کرنے میں معاون ہے‘۔
ایک بار ایک ہونہار طالب علم کی شناخت ہوجانے کے بعد موہبہ چار حصوں پر مشتمل سفری حکمت عملی کو نافذ کرتی ہے جس کا آغاز ریسرچ کے مرحلے سے ہوتا ہے جس میں فرد کی دلچسپیوں اور سائنسی صلاحیتوں کی وضاحت شامل ہوتی ہے۔
اس کے بعد انہیں خصوصی پروگرام پیش کیے جاتے ہیں اس سے پہلے کہ وہ سائنس دانوں اور ماہرین کے ساتھ بات چیت کرنے کے لیے مزید جدید انیشیٹوز سے متعارف ہوں۔ مواصلات کا حتمی مرحلہ تجربات اور خدمات کے تبادلے کے لیے ایک موثر نیٹ ورک فراہم کرتا ہے۔
سعودی طلبہ نے یورپی فزکس اولمپیاڈ میں ایوارڈز جیت لیےNode ID: 774351
