سعودی وزیر دفاع شہزادہ خالد بن سلمان نے پیر کو ٹوکیو میں جاپانی ہم منصب سے ملاقات کی ہے۔
سرکاری خبر رساں ایجنسی ایس پی اے کے مطابق ٹوکیو میں وزارت دفاع کے ہیڈکوارٹر میں سعودی وزیر دفاع شہزادہ خالد بن سلمان کا خیرمقدم کیا گیا۔ دونوں ملکوں کے قومی ترانے بجائے گئے۔ گارڈ آف آنر پیش کیا گیا۔
بعد ازاں سعودی عرب اور جاپان کے وزرائے دفاع نے ملاقات میں دونوں دوست ملکوں کے تعلقات کا جائزہ لیا۔ عسکری و دفاعی شعبے میں باہمی تعاون کے فروغ کے طریقوں پر تبادلہ خیال کیا۔
ملاقات میں علاقائی و بین لاقوامی حالات اور اس حوالے سے کی جانے والی کوششوں کا بھی جائزہ لیا گیا ہے۔
دونوں وزرا دفاع نے باہمی دلچسپی کے متعدد موضوعات پر بھی بات چیت کی ہے۔
شہزادہ خالد بن سلمان نے ٹویٹ کی ’پیر کو ٹوکیو میں جاپانی وزیر دفاع سے مل کرخوشی ہوئی۔ ہم نے اپنے دوستانہ تعلقات کا جائزہ لیا۔ عسکری اور دفاعی تعاون کے پہلووں کا جائزہ لیا‘۔
Pleased to meet H.E. Yasukazu Hamada, Japan’s Minister of Defense, in Tokyo today. We reviewed our friendly relations and explored aspects of military and defense cooperation. We also discussed the latest regional and international developments. pic.twitter.com/CPxzdz5qje
— Khalid bin Salman خالد بن سلمان (@kbsalsaud) July 31, 2023
ملاقات میں تازہ ترین علاقائی اور بین الاقوامی پیش رفت پر بھی تبادلہ خیال کیا گیا۔
عرب نیوز کے مطبق سعودی عرب اور جاپان کے وزرائے دفاع نے پیر کو ٹوکیو میں ملاقات کے دوران سیکورٹی تعاون کو بڑھانے کے طریقوں پر تبادلہ خیال کیا ہے۔
جاپانی وزیر دفاع نے اپنے ملک کی دفاعی حکمت عملی کا خاکہ پیش کرتے ہوئے کہا کہ ’جاپان اپنی سیکورٹی کو مزید تقویت دینے کے لیے سعودی عرب کے ساتھ اپنے موجودہ روابط کو مضبوط بنانے کی کوشش کر رہا ہے‘۔
شہزادہ خالد بن سلمان نے خطے کو متاثر کرنے والے موجودہ مسائل، سعودی اور مشرق وسطیٰ کی دفاعی پالیسیوں اور سعودی وزارت دفاع کی تبدیلی کے پروگرام کے ایک حصے کے طور پر کیے جانے والے اہم انیشیٹوز پر روشنی ڈالی۔
