آسٹریلیا میں وہیل مچھلی اور کشتی کی ٹکر، ایک شخص ہلاک
یہ واقعہ سڈنی سے 14 کلو میٹر دور ’لا پیروز’ کے مقام پر پیش آیا (فائل فوٹو: گیٹی امیجز)
آسٹریلیا میں ساحل کے قریب وہیل مچھلی کے کشتی سے ٹکر لگنے کے نتیجے میں ایک شخص کی موت واقع ہوگئی جبکہ دوسرا زخمی ہو گیا ہے۔
خبر رساں ادارے اے ایف پی کے مطابق جمعے کی شام کشتی میں سوار دو افراد وہیل مچھلی کے کشتی سے ٹکر لگنے کے بعد لڑکھڑا کے سمندر میں گر گئے۔
یہ واقعہ سڈنی سے 14 کلو میٹر دور ’لا پیروز’ کے مقام پر پیش آیا۔ اس حوالے سے پولیس نے بتایا کہ قریب ہی دوسری کشتی پر سوار لوگوں نے خالی کشتی دیکھ کر خطرے کی گھنٹی بجا کا اطلاع دی۔
حکام کا کہنا ہے کہ ایک شخص کی موقع پر موت واقع ہو گئی ہے جبکہ کشتی میں سوار دوسرے ساتھی کو سمندر سے نکال کر علاج کے لیے ہسپتال منتقل کیا جہاں ان کی حالت اب خطرے سے باہر ہے۔
واٹر پولیس کی قائم مقام سپرنٹنڈنٹ سیوبھان منرو نے کہا کہ بچ جانے والے شخص نے اپنے ساتھی کو بچانے کی ہر ممکن کوشش کی مگر کامیاب نہ ہو سکے۔
پولیس نے واقعے کو افسوس ناک قرار دیتے ہوئے کہا کہ ’ہو سکتا ہے کہ وہیل مچھلی نے کشتی کے قریب یا اس کے اُوپرغوطہ لگایا جس سے دونوں افراد سمندر میں گر گئے۔
ہمپ بیک اور جنوبی وہیل ہر سال ’نیو ساؤتھ ویلز‘ کی ساحلی پٹی کے قریب نظر آتی ہیں۔
’یہ وہیل مچھلیاں آسٹریلیا میں موسم سرما کے دواران افزائش کے لیے گرم علاقوں کا رُخ کرتی ہیں جبکہ ستمبر اور نومبر کے درمیان جنوب کی طرف واپس لوٹتی ہیں۔ ‘
’اور آجکل یہاں بہت زیادہ تعداد میں وہیل مچھلیاں نظر آ رہی ہیں اور کشتیوں کے قریب پانی کی سطح پر غوطے لگانے کی بہت سی مثالیں ہیں۔‘
یاد رہے کہ اس واقع سے دو ہفتے قبل ایک ’ہمپ بیک وہیل‘ کے کشتی سے ٹکرانے کا واقعہ پیش آیا تھا۔
یہ حادثہ مغربی آسٹریلیا کے ساحل پر ایک کشتی کے پروپیلر سے چار میٹر طویل ہمپ بیک وہیل کے سر میں ٹکرا جانے کے دو ہفتے سے بھی کم وقت کے بعد پیش آیا۔
انگلینڈ میں گھر کی چھت پر دیوہیکل شارک، معاملہ کیا ہے؟Node ID: 656361
آسٹریلیا کے ساحل پر پھنس کر 200 وہیل مچھلیاں ہلاکNode ID: 702931
سعودی خواتین جو سمندر سے موتی نکال رہی ہیںNode ID: 764886
