ناس ایئر کی جدہ سے بشکیک کے لیے پروازوں کا آغاز
جمعرات 5 اکتوبر 2023 19:07
پروازیں ہفتے میں 3 دن جدہ سے جائیں گی(فوٹو، ایکس )
سعودی قومی فضائی کمپنی فلائی ناس نے جدہ سے کرغیزستان کے دارالحکومت بشکیک کے لیے براہ راست پروازوں کا آغاز کردیا گیا ہے۔
فلائی ناس سنیچر، منگل اور جمعرات کو ہفتے میں تین دن جدہ سے بشکیک کے لیے پروازیں چلائے گی۔
فلائی ناس وسطی ایشیا کے علاقے میں پروازوں کی تعداد اور ہوائی اڈوں میں اضافے کی پالیسی پر گامزن ہے۔
بشکیک کے لیے جدہ سے پہلی پرواز کی روانگی کی تقریب کنگ عبدالعزیز انٹرنیشنل ایئرپورٹ جدہ پر منائی گئی اس موقع پر کرغیزستان کے سفیر ، فلائی ناس کے نمائندے، مطارات جدہ کمپنی اور ایئرکنکشن پروگرام کے عہدیدار موجود تھے۔
