اس سے قبل بنگلور کے چناسوامی سٹیڈیم میں انگلینڈ نے ٹاس جیت کر پہلے بیٹنگ کا فیصلہ کیا جو کے غلط ثابت ہوا اور پوری انگلش ٹیم 33.2 اوورز میں 156 رنز پر ڈھیر ہوگئی۔
انگلینڈ کی جانب سے بین سٹوکس نے 43، جونی بیئرسٹو نے 30 اور ڈیوڈ مالان نے 28 رنز بنائے۔
سری لنکا کی جانب سے لاہِیرُو کمارا نے تین، انجیلو میتھیوز اور کاسُن راجیتھا نے دو دو جبکہ مہیش تھیکشانا نے ایک وکٹ حاصل کی۔
بنگلورو میں کھیلے جانے والا یہ میچ دونوں ٹیموں کا ایونٹ میں پانچواں میچ تھا۔
اس سے قبل سری لنکا اور انگلینڈ میگا ایونٹ میں اب تک چار میچ کھیل چکی تھیں جس میں انہیں صرف ایک ہی میچ میں کامیابی حاصل ہوئی تھی۔
اس میچ میں سری لنکا کو کپتان داسُن شناکا کی خدمات حاصل نہیں تھیں جبکہ فاسٹ بولر متھیشا پتھیرانا بھی انجری کے باعث ایونٹ سے باہر ہو چکے ہیں۔
سری لنکا کے خلاف بین سٹوکس سمیت کوئی بھی انگلش بیٹر نمایاں کارکردگی نہ دکھا سکا۔ (فوٹو: اے ایف پی)
داسُن شاناکا کی جگہ ورلڈ کپ کے باقی تمام میچوں میں کوشل مینڈس ٹیم کی کپتانی کر رہے ہیں جبکہ متھیشا پتھیرانا کی جگہ سکواڈ میں سینیئر آل راؤنڈر انجیلو میتھیوز کو شامل کیا گیا تھا۔
اگر ورلڈ کپ کے پوائنٹس ٹیبل پر نگاہ ڈالی جائے تو سری لنکا اس میچ میں جیت کے بعد 4 پوائنٹس کے ساتھ پانچویں جبکہ انگلینڈ دو پوائنٹس کے ساتھ نویں نمبر پر آگیا ہے۔
ورلڈ کپ کا بڑا اپ سیٹ، افغانستان نے انگلینڈ کو 69 رنز سے ہرا دیاNode ID: 803751
