راولپنڈی... پاکستان اور ہند کے ڈی جی ایم اوز کا ہاٹ لائن پر رابطہ ہوا ہے۔ پاکستان نے شہریوں کو نشانہ بنائے جانے کا معاملہ اٹھایا۔ آئی ایس پی آر کے مطابق لائن آف کنٹرول اور ورکنگ باونڈری پر ہندوستانی فوج کی طرف سے فائر بندی کی خلاف ورزیوں کے تناظر میں ڈی جی ایم اوز کا ہاٹ لائن پر رابطہ ہوا۔ ڈی جی ایم او میجر جنرل ساحر شمشاد مرزا نے بلا اشتعال فائرنگ اور عام شہری آبادیوں کو نشانہ بنانے کے معاملات اٹھائے۔ انہوں نے کہا کہ پاک فوج ایل او سی اور ورکنگ باونڈری پر امن اور استحکام کے قیام کیلئے پرعزم ہے۔ انہوں نے ہندکی جانب سے عام شہریوں کو ہلاک کرنے اور غلطی سے ایل او سی پار کرنے والوں کو در انداز قرار دینے کو انتہائی غیر پیشہ وارانہ حرکت قرار دیا۔انہوں نے ہندوستانی ڈی جی ایم او کو یہ باور کرایا کہ پاک فوج لائن آف کنٹرول اور ورکنگ باو¿نڈری پر امن برقرار رکھنے کے لئے پر عزم ہے تاہم کنٹرول لائن پر کسی بھی مہم جوئی کا مناسب وقت اور مقام پر منہ توڑ جواب دیا جائے گا۔
