آئی فون کا تحفہ چھپانے پر بنگلہ دیشی کرکٹر ناصر حسین پر دو برس کی پابندی

بنگلہ دیش کرکٹ ٹیم کے آل راؤنڈر ناصر حسین پر دو برس کے لیے تمام طرح کی کرکٹ کھیلنے پر پابندی عائد کر دی گئی ہے۔
‘کرک انفو‘ کے مطابق ناصر حسین پر پابندی -212020 کی ابوظہبی ٹی10 لیگ میں امارات کرکٹ بورڈ کے اینٹی کرپشن کوڈ کی خلاف ورزی کی بنیاد پر عائد کی گئی ہے۔

بنگلہ دیشی آل راؤنڈ کی انٹرنیشنل کرکٹ میں واپسی اب سات اپریل 2025 کو ممکن ہو سکے گی۔
حسین ناصر پونے ڈیوِلز فرنچائز کے ساتھ وابستہ ان آٹھ افراد میں شامل تھے جن پر 2023 میں آئی سی سی نے الزام عائد کیا تھا۔
ناصر حسین نے اپنے خلاف تین الزامات کو تسلیم کیا اور پھر انہیں دو برس کی سزا سنائی گئی۔

آئی سی سی کے انسداد بدعنوانی یونٹ کے مطابق ناصر حسین کے خلاف پہلا الزام یہ تھا کہ وہ ’اینٹی کرپشن کے آفیشل کو فوری طور پر آئی فون 12کی رسید پیش کرنے میں ناکام رہے جو انہیں تحفے میں ملا تھا‘ ۔ اس فون کی قیمت 750 ڈالر سے زیادہ تھی۔
ان پر ایک الزام یہ تھا کہ ناصر حسین ’اس تحفے کے لیے کیے گئے رابطے یا دعوت نامے کے بارے میں انسداد بدعنوانی کے آفیشل کو آگاہ کرنے میں ناکام رہے۔‘
اور بھی کہا گیا کہ ناصر حسین متعلقہ حکام سے اس معاملے کی تحقیقات کے عمل میں تعاون کرنے میں بھی ناکام رہے یا انہوں نے اس سے انکار کیا ہے۔
ناصر حسین نے بنگلہ دیش کے لیے 19 ٹیسٹ، 65 ون ڈے اور 31 ٹی20 کھیلے ہیں جب کہ انہوں نے آخری انٹرنیشنل میچ جنوری 2018 میں کھیلا تھا۔
مئی 2023 میں ڈومیسٹک کرکٹ کھیل رہے تھے۔