امارات سے غزہ کے لیے امدادی سامان سے لدا دوسرا بحری جہاز روانہ

متحدہ عرب امارات نے غزہ کے متاثرین کےلیے ساڑھے چار ہزار ٹن سے زیادہ امدادی سامان سے لدا دوسرابحری جہاز فجیرہ بندرگاہ سے مصری پورٹ العریش روانہ کیا ہے۔

امادادی سامان رفح کراسنگ کے ذریعے غزہ بھیجا جائے گا۔ 

امارات کی سرکاری خبررساں ایجنسی وام کے مطابق صدر شیخ محمد بن زاید آل نہیان کی ہدایت پرغزہ متاثرین کےلیے امدادی مہم چلائی جا رہی ہے۔ 

اماراتی جہاز الفجیرہ بندرگاہ سے روانہ کیا گیا جس پر چار ہزار 300 ٹن کھانے پینے کی اشیاِ، 154 ٹن شیلٹرز کا سامان  اور87 ٹن ادویہ و طبی سامان موجود ہے۔ 

یہ سامان خلیفہ بن زاید آل نہیان فاؤنڈیشن، زاید بن سلطان آل نہیان فاؤنڈیشن اور اماراتی ہلال احمر کی جانب سے  بھیجا کیا گیا ہے۔ 

امارات کی جانب سے فلسطینیوں کو پندرہ ٹن سے زیادہ سامان امدادی سامان بھیجا جاچکا ہے۔  

 اب تک 151 طیارے غزہ کے متاثرین کےلیے امدادی سامان لے کر گئے ہیں۔ 

یاد رہے کہ امارات کے صدر شیخ محمد بن زاید نے گزشتہ نومبر کو فلسطینی عوام کےلیے امدادی کاررائیوں کے آغاز کا حکم دیا تھا۔