سعودی قیادت کی طرف سے چلی کے صدر کو تعزیت

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے چلی کے صدر گبریل بورک فونٹ کو سابق صدر سیباستیان پینیرا کے انتقال اور جنگلات میں آگ لگنے سے ہونے والی ہلاکتوں پر افسوس کا اظہار کیا ہے۔

سعودی پریس ایجنسی کے مطابق سعودی قیادت نے چیلی کے صدر کو تعزیتی مکتوب روانہ کئے ہیں۔

سعودی قیادت نے اپنے مکتوب میں کہا ہے کہ ’ہمیں چلی کے سابق صدر کی وفات کی اطلاع ملی ہے‘۔

’خبر سن کو ہمیں دکھ ہوا ہے، ہم آپ سے دلی تعزیت کا اظہار کرتے ہیں اور لواحقین کے غم میں برابر کے شریک ہیں‘۔

سعودی قیادت نے چلی کے جنگلات میں ہونے والی آتشزدگی اور اس میں جانی ومالی نقصان پر بھی اظہار افسوس کیا ہے۔

سعودی قیادت نے کہا ہے کہ ’آتشزدگی پر ہونے والی ہلاکتوں پر انتہائی غم ہے ، ہم امید کرتے ہیں کہ جو لوگ اس میں زخمی ہوئے وہ جلد شفایاب ہوجائیں‘۔