داخلی عازمین حج کے لیے رجسٹریشن کا آغاز، پیکیجز کا اعلان

وزارت حج و عمرہ نے داخلی عازمین حج کے لیے رجسٹریشن کا آغاز کردیا ہے۔

سبق ویب سائٹ کے مطابق سعودی شہری اور مقیم غیر ملکی جو حج کرنے کی اہلیت رکھتے ہیں وہ وزارت کی ویب سائٹ یا نسک ایپ کے ذریعہ اندراج کراسکتے ہیں۔

وزارت حج وعمرہ نے امسال داخلی عازمین حج کے لیے 4 پیکیجز متعارف کرائے ہیں۔

داخلی عازمین حج کے لیے سب سے سستا پیکیج 4099.75 ریال کا ہے جس میں واٹ شامل ہے۔

دوسرا واٹ سمیت حج پیکیج 8092.55 ریال کا ہے اور تیسرا پیکیج 10366.10 ریال ہے جس میں عازمین کو جدید خیموں میں رہائش کے ساتھ لکژری سروس فراہم کی جائے گی۔

جبکہ چوتھا اور آخری حج پیکیج واٹ سمیت 13265.25 ریال ہے جس جمرات پل کے قریب منی ٹاور میں رہائش فراہم کی جائے گی۔

داخلی عازمین حج یہاں کلک کرکے اپنا اندراج اور پیکیج پسند کرتے سکتے ہیں۔