کارڈف ...سری لنکا کے خلاف میچ کے لئے پاکستان کے آل راﺅنڈر فہیم اشرف کو ون ڈے کیپ مل گئی۔میچ سے قبل سابق کپتان اظہر علی نے انہیں ون ڈے کیپ پیش کی۔ فہیم اشرف کو اسپنر شاداب خان کی جگہ ٹیم میں شامل کیا گیا۔ فہیم اشرف نے بنگلہ دیش کے خلاف وارم میچ میں شاندار بیٹنگ کا مظاہرہ کیا تھا۔ جنوبی افریقہ کے خلاف میچ میں شرکت کرنے والی پاکستانی ٹیم میں صرف یہی ایک تبدیلی کی گئی۔ دوسری جانب سری لنکن ٹیم میں بھی ایک ہی تبدیلی ہوئی ہے۔ زخمی کوشل پریرا کی جگہ دھننجایا ڈی سلوا کو ٹیم کا حصہ بنایا گیا ہے۔پاکستان کی طرح سری لنکا کی ٹیم نے اس میچ 4فاسٹ بولرز کے ساتھ شرکت کی۔
