مملکت کا کون سا شہر آج سب سے زیادہ گرم رہا؟

موسمیات کے قومی مرکز نے منگل کو مملکت کے سب سے زیادہ گرم اور سب سے کم درجہ حرارت والے علاقوں کے حوالے  سے بیان جاری کیا ہے۔ قومی مرکز نے اپنے ایکس (ٹوئٹر) پر اس بارے میں تفصیلات جاری کی ہیں۔

موسمیات کے قومی مرکز کے مطابق  منگل کو سب سے زیادہ درجہ حرارت الاحساء میں 49 سینٹی گریڈ رہا۔ جبکہ دمام میں 45، وادی الدواسر، شرورۃ اور القیصومہ، ریاض میں درجہ حرارت 44 سینٹی گریڈ تک ریکارڈ کیا گیا۔

قومی مرکز کا کہنا ہے کہ حفر الباطن میں 46 اور الدھناء میں 45 سینٹی گریڈ درجہ حرارت پہنچ گیا۔

قومی مرکز کے مطابق سب سے کم درجہ حرارت السودہ میں 13 سینٹی گریڈ  تک رہا۔

موسمیاتی مرکز نے بتایا کہ مکہ مکرمہ میں 42، مدینہ منورہ میں 41 اور جدہ میں 40 سینٹی گریڈ درجہ حرارت رہا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں