جنرل انٹرٹینمنٹ اتھارٹی (جی ای اے) نے اعلان کیا ہے کہ اس سال کی دوسری سہ ماہی کے دوران انٹرٹیمنٹ کے مختلف پروگراموں میں وزٹرز کی تعداد 16 ملین سے تجاوز کر گئی۔
گزشتہ سال کے اسی عرصے کے مقابلے میں 130 فیصد زیادہ ہے۔ اسی مدت کے دوران وزیٹرز تعداد 7 ملین تھی۔
اخبار 24 کے مطابق جنرل انٹرٹینمنٹ اتھارٹی نے کہا کہ دوسری سہ ماہی کے دوران جاری کردہ لائسنسوں کی تعداد 1529 رہی جو گزشتہ سال کی اسی مدت کے مقابلے میں 7.3 فیصد زیادہ رہی۔ گزشتہ سال 1425 لائسنس جاری ہوئے تھے جبکہ لائسنس یافتہ تفریحی مقامات کی تعداد 97 تک پہنچ گئی۔
سب سے زیادہ لائسنس ریستورانوں اور کیفے میں لائیو شوز کی سرگرمیوں کے حوالے سے لیے گئے۔ ان کی تعداد 523 رہی۔
تفریحی تقریبات کے لیے 433، تفریحی شوز کے لیے 322، تفریحی شہروں کے لیے 93 اور ہجوم کو منظم کرنے کے لیے 60 لائسنس جاری ہوئے۔
#هيئة_الترفيه تصدر 1529 ترخيص للوجهات والفعاليات الترفيهية التي وصلت إلى 97 وجهة ترفيهية جديدة بحضور 16 مليون زائر خلال الربع الثاني من 2024
للمزيد: https://t.co/nOIGXQCSqr pic.twitter.com/pPtX6emnNR
— الهيئة العامة للترفيه (@GEA_SA) August 8, 2024
