سوئٹزرلینڈ انڈر 18 فٹبال ٹیم میں سلیکٹ ہونے والے سجاول مہر کون؟
جمعرات 29 اگست 2024 16:15
سوشل ڈیسک -اردو نیوز
سجاول مہر ایف سی زیورخ فٹبال کلب کے لیے کھیلتے ہیں (فوٹو: ایف سی زیورخ)
پاکستانی نژاد فٹبالر سجاول مہر سوئٹزرلینڈ کی انڈر 18 ٹیم کا حصہ بن گئے ہیں۔
17 سالہ سجاول مہر زیورخ ایف سی کے لیے کھیلتے ہیں اور انہیں فرانس میں منعقد ہونے والے انڈر 18 ٹورنامنٹ کے لیے منتخب کیا گیا ہے۔
ویب سائٹ ٹرانسفر مارکیٹ کے مطابق سجاول ایف سی زیورخ کے لیے انڈر 17 سے انڈر 21 تک کھیل چکے ہیں۔
سجاول مہر انٹرنیشنل میچز میں پاکستان ٹیم کے لیے کھیلنے کی اہلیت بھی رکھتے ہیں۔
لوکل میڈیا رپورٹس کے مطابق محر اگر سوئٹزرلینڈ کی سینیئر بین الاقوامی ٹیم میں جگہ بنانے میں کامیاب ہوتے ہیں تو وہ پاکستان ٹیم کا حصہ بھی بن پائیں گے۔
سپورٹس صحافی فیضان لاکھانی نے سماجی رابطے کی ویب سائٹ ایکس (سابق ٹوئٹر) پر سجاول کی سلیکشن کے بارے میں پوسٹ بھی کی ہے۔
فیضان کا کہنا تھا کہ پاکستان فٹبال ٹیم کے کوچ سٹیفن کونسٹنٹائن سجاول کو مستقبل میں قومی فٹبال ٹیم کا حصہ بنانے کی خواہش بھی رکھتے ہیں۔
سنہ 2007 میں سرگودھا میں پیدا ہونے والے سجاول اٹیکنگ مڈ فیلڈر ہیں جنہیں دنیا بھر میں کافی پذیرائی مل رہی ہے۔
جازان کے پہاڑوں میں بنا شاہکار سٹیڈیم فٹبال سے محبت کا اظہار ہےNode ID: 877074
سٹریٹ چلڈرن فٹبال ٹیم کی نمایاں کارکردگی، ’انتخاب اوپن ٹرائل سے‘Node ID: 877403
لڑکی کو مارنے پر قطری فٹبالر مصر میں گرفتارNode ID: 877433
