لڑکی کو مارنے پر قطری فٹبالر مصر میں گرفتار

مصری پولیس نے کہا ہے کہ انٹرپول کی ہدایت پر قطری فٹبالر احمد یاسر المحمدی کو گرفتار کیا گیا ہے۔

سبق ویب سائٹ کے مطابق مذکورہ فٹبالر نے دوحہ میں ایک لڑکی پر تشدد کیا اور اسے مارا تھا۔

قطری پولیس نے فٹبالر کو گرفتار کرنے کے لیے انٹرپول کے ذریعہ ریڈ وارنٹ جاری کئے تھے۔

مصری پولیس نے کہا ہے کہ ’30 سالہ مشہورفٹبالر کوشرم الشیخ سے  گرفتارکرکے قطری حکام کے حوالے کردیا گیا ہے‘۔

واضح رہے کہ قطری فٹبالر قومی ٹیم میں بھی  کئی ریکارڈ قائم کرچکا ہے۔