ایک ہفتے میں 11 سو سے زیادہ موٹر سائیکلیں ضبط

سعودی محکمہ ٹریفک نے متعدد خلاف ورزیوں پر مختلف شہروں سے 1136 موٹر سائیکلیں ضبط کی ہیں۔

سبق ویب سائٹ کے مطابق 8 ستمبر سے 14 ستمبر تک مختلف شہروں سے موٹر سائیکلیں ضبط ہوئی ہیں۔

محکمہ ٹریفک نے کہا ہے کہ’ سب سے زیادہ موٹر سائیکلی جدہ میں ضبط ہوئی ہیں جن کی تعداد 595 ہے‘۔

محکمہ ٹریفک نے کہا ہے کہ ’دوسرے نمبر پر مدینہ منورہ ہے جہاں 106 جبکہ ریاض تیسرے نمبر پر ہے جہاں 96 موٹر سائیکلیں ضبط ہوئی ہیں‘۔

’طائف میں 78، مکہ مکرمہ میں 32، عسیر  میں 24 اورمشرقی ریجن میں 75 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔