مملکت کے سب سے بڑے کھیلوں کے مقابلے سمجھے جانے والے سعودی گیمز میں مملکت کے مختلف علاقوں سے تعلق رکھنے والے ایتھلیٹس 50 سے زیادہ کھیلوں میں شرکت کریں گے۔
خواتین کے والی بال مقابلے کھیلوں کے تیسرے ایڈیشن کا آغاز تین میچوں سے ہوگا۔ الفیحہ کا مقابلہ دارالحکمہ یونیورسٹی سے صبح 9 بجے ریاض کے شہزادہ فیصل بن فہد اولمپک کمپلیکس میں وزارت کھیل کے گرین ہال میں ہوگا۔
اس کے بعد العلا کی ٹیم جدہ یونائیٹڈ کے خلاف 11 بجے میدان میں اترے گی اور تیسرے مقابلےمیں الانقا ٹیم کا مقابلہ آرم نجد سے دوپہر ایک بجے ہوگا۔
پورے مملکت سے ایتھلیٹس 50 سے زیادہ کھیلوں میں شریک ہیں۔ فوٹو عرب نیوز
خواتین کے والی بال مقابلوں میں 9 ٹیمیں حصہ لے رہی ہیں، جنہیں تین گروپوں میں تقسیم کیا گیا ہے، خواتین کے والی بال مقابلے 4 اکتوبر تک جاری رہیں گے۔
سعودی گیمز کا انعقاد کھیلوں کے شعبے کی حمایت اور ترقی کے لیے سعودی وژن 2030 کے تحت متعین کئے گئے اہداف حاصل کرنے کی کوششوں کا حصہ ہیں۔
