دبئی میں جائے حادثہ سے فرار پر ایشیائی ڈرائیور پر 20 ہزار درہم جرمانہ
ڈرائیور نے گاڑیوں کے درمیان مناسب فاصلہ نہیں رکھا (فوٹو الامارات الیوم)
دبئی کی کورٹ آف اپیل نے ایشیائی ڈرائیور کی قید کی سزا کو 20 ہزار درہم جرمانے میں تبدیل کردیا جبکہ 6 ماہ کے لیے ڈرائیونگ لائسنس معطلی کا فیصلہ برقرار رکھا ہے۔
کورٹ آف اپیل نے ایشیائی ڈرائیور کی امارات سے بیدخلی کے فیصلے کو کالعدم کردیا۔
الامارات الیوم کے مطابق عدالت میں بتایا گیا کہ ایشیائی ڈرائیور نے گاڑی چلانے کے دوران گاڑیوں کے درمیان مناسب فاصلہ نہیں رکھا اور دوران ڈرائیونگ لاپرواہی کی اور گاڑی ایک دوسری کار سے ٹکرا دیے بعد ازاں جائے حادثہ سے فرار ہوگیا۔
ابتدائی عدالت نے شواہد کی موجودگی میں ایشیائی ڈرائیور کو ایک ماہ قید، امارات سے بے دخلی اور ڈرائیونگ لائسنس 6 ماہ کے لیے معطل کرنے کی سزا سنائی۔
ایشیائی ڈرائیور نےعدالتی فیصلے کے خلاف اپیل دائر کی جس پر کورٹ آف اپیل نے قید کی سزا کو 20 ہزار درہم جرمانے میں تبدیل کردیا جبکہ بیدخلی کے فیصلے کو منسوخ کردیا۔
امارات کی خبروں کے لیے ”اردو نیوز یو اے ای“ گروپ جوائن کریں
ٹریفک حادثے میں متاثر نوجوان کے لیے 50 ہزار درہم کا معاوضہNode ID: 847736
ہٹ اینڈ رن کیس میں 50 ہزار درہم معاوضہ ادا کرنے کا حکمNode ID: 851856
