سعودی ولی عہد و وزیراعظم شہزادہ محمد بن سلمان نے منگل کو قاہرہ میں مصری صدر عبدالفتاح السیسی سے الاتحادیہ پیلس میں ملاقات کی ہے۔
ایس پی اے کے مطابق سعودی ولی عہد اور مصری صدر نے دونوں ملکوں کے وفود کی موجودگی میں مذاکرات کیے۔
ولی عہد شہزادہ محمد بن سلمان اور صدر السیسی کی موجود گی میں سعودی، مصری سپریم کوآرڈینیشن کونسل کے قیام اور دونوں ملکوں کے درمیان سرمایہ کاری کی حوصلہ افزائی اور تحفظ کے معاہدے پر دستخط کیے گئے۔
قبل ازیں سعودی ولی عہد سرکاری دورے پر قاہرہ پہنچے تو مصری صدر عبدالفتاح السیسی نے ائیرپورٹ پر پرتپاک خیرمقدم کیا
مصری صدر سے ملاقات میں سعودی عرب اور مصر کے درمیان دوطرفہ تعلقات کو بڑھانے کے ساتھ باہمی تشویش کے اہم امور پر توجہ مرکوز رہے گی۔
