پاکستان اور انگلینڈ کا دوسرا ٹیسٹ میچ ملتان کرکٹ سٹیدیم میں جاری ہے۔
منگل کو شروع ہونے والے تین میچز کی سیریز کے دوسرے میچ میں پاکستان نے ٹاس جیت کر پہلے بیٹنگ کا فیصلہ کیا۔
میچ کے دوسرے روز میں پاکستان ٹیم 366 رنز بنا کر آل آؤٹ ہو چکی ہے اور اب انگلینڈ کی بیٹنگ جاری ہے۔
مزید پڑھیں
گزشتہ روز سے جہاں پاکستانی بیٹر کامران غلام کی ڈیبیو سینچری کرکٹ شائقین کی توجہ کا مرکز بنی ہوئی ہے وہیں انگلینڈ کے بیٹر جو روٹ کی ایک دلچسپ ویڈیو بھی سوشل میڈیا پر وائرل ہو رہی ہے۔
سماجی رابطے کی ویب سائٹ ایکس پر ایک ویڈیو منظر عام پر آئی ہے جس میں دیکھا جا سکتا ہے کہ جو روٹ انگلینڈ کے سپنر جیک لیچ کے سر پر بال رگڑ کر اسے چمکا رہے ہیں۔
کرکٹ مچیز کے دوران بولرز گیند کو چمکانے کے لیے اپنے کپڑوں کا سہارا لیتے ہیں مگر جو روٹ کا منفرد انداز کیمرے کی آنکھ سے نہ بچ سکا اور سوشل میڈیا صارفین اس پر تبصرے کرتے دکھائی دیے۔
Joe Root finding the best ways to shine the ball pic.twitter.com/nUnI58voVI
— Sky Sports Cricket (@SkyCricket) October 15, 2024