جدہ میں خاتون کو ہراساں کرنے والا گرفتار

جدہ پولیس نے خاتون کو ہراساں کرنے والے شخص کو گرفتار کرلیا۔

اخبار 24 کے مطابق جدہ کی پولیس نے سوشل میڈیا پر ایک وڈیو میں خاتون کو ہراساں کرنے والے شخص کو ریکارڈ وقت میں گرفتار کرلیا۔

سیکیورٹی فورس نے اس حوالے سے تفصیلات اور وڈیو اپنے ایکس (ٹوئٹر) اکاؤنٹ پر جاری کی ہیں۔

جدہ پولیس نے گرفتار ہونے شخص کی شہریت ظاہر نہیں کی ہے تاہم اس حوالے سے بتایا کہ وڈیو میں نظر آنے والے شخص کو گرفتار کرکے اسے تمام شواہد کے بعد پبلک پراسیکیوشن کے حوالے کردیا گیا ہے جہاں اس کے خلاف مقدمہ قائم کیا جائے  گا۔

جدہ پولیس کا کہنا ہے کہ ہراساں کرنے، چھیڑ خانی اور اسی طرح کے دیگر کیسز میں گرفتار کیے جانے والوں کے بارے میں تمام تفصیلات سے میڈیا کو آگاہ کیا جاتا رہے گا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں