ریاض میٹرو کے گرین ٹریک پر وزارت خزانہ سٹیشن آج سے کھل گیا

ریاض پبلک ٹرانسپورٹ نے ریاض میٹرو پروجیکٹ کے گرین ٹریک پر وزارت خزانہ سٹیشن کو اتوار 29 دسمبر سے کھولنے کا اعلان کیا ہے۔

یاد رہے یکم دسمبر کو میٹرو پروجیکٹ کے 6 ٹریک میں سے پہلے مرحلے میں 3 ٹریکس کا افتتاح کیا گیا تھا۔ جس کے بعد مزید دو ٹریک کھولے گئے، اب مجموعی طور پر میٹرو کے پانچ ٹریک آپریشنل ہیں۔

 چھٹے ٹریک اورنج لائن پر سروس کا آغاز 5 جنوری 2025 سے کیا جائے گا جو مدینہ منورہ شاہراہ کے لیے ہے۔

ریاض میٹرو کے 6 ٹریکس ہیں جن کی مجموعی لمبائی 176 کلو میٹر ہے جبکہ سٹیشنز کی تعداد 85 ہے جن میں 4 مرکزی سٹیشنز شامل ہیں۔ریاض میٹرو کے 6 ٹریکس ہیں جن کی مجموعی لمبائی 176 کلومیٹر ہے جبکہ سٹیشنز کی تعداد 85 ہے جن میں 4 مرکزی سٹیشنز شامل ہیں۔

واضح رہے کہ اپریل 2012 میں سعودی کابینہ نے ریاض میں ٹریفک کے رش کوکنٹرول کرنے کے لیے میٹرو منصوبے کی منظوری دی تھی جس کے بعد منصوبے پر کام شروع کردیا گیا تھا۔