بحرین کے فرمانروا شاہ حمد بن عیسی آل خلیفہ سعودی عرب پہنچ گئے

بحرین کے فرمانروا شاہ حمد بن عیسی آل خلیفہ بدھ کو سرکاری دورے پر سعودی عرب پہنچ گئے۔

ایس پی اے کے مطابق ریاض کے کنگ خالد انٹرنیشنل ایئر پورٹ پر ریجن کے گورنر شہزادہ فیصل بن بندر بن عبدالعزیز،مملکت میں بحرین کے نائب سفیر خلیفہ علی حمد المناصیر اور رائل پروٹوکول کے انڈر سیکریٹری فہد الصھیل نے ان کا خیرمقدم کیا۔

یاد رہے بحرین کے فرمانروا نے منگل کو مسقط کے دورے میں عمان کے سلطان ہیثم بن طارق سے ملاقات کی تھی۔