جدہ میں پروفیشنل فائٹرز لیگ 2025 کے مکمل فائٹ کارڈ کا اعلان

پروفیشنل فائٹرز لیگ نے 2025 کے سیزن کے  لیے مشرق وسطیٰ و شمالی افریقہ (مینا) کی پہلی فائٹ نائٹ کے مکمل مقابلوں کا اعلان کر دیا ہے۔

عرب نیوز کے مطابق مرکزی مقابلے میں پروفیشنل فائٹرز لیگ 2024 کے فیڈر ویٹ چیمپیئن سعودی عرب کے عبداللہ القحطانی ’دی ریپر‘ اور مصر کے معروف فائٹر اسلام  رضا ’دی ایجپشن زومبی‘ آمنے سامنے ہوں گے۔

یہ کوارٹر فائنل ان دونوں فائٹرز کے درمیان ری میچ ہے جو تقریباً سات سال بعد ہو رہا ہے ان کا پہلا مقابلہ 2018 میں ہوا تھا جس میں القحطانی نے کامیابی حاصل کی تھی۔

2024 کے سیزن میں اسلام رضا نے فیڈر ویٹ فائنل میں جگہ بنائی تھی مگر انجری کے باعث وہ فائنل سے دستبردار ہو گئے تھے اور ان کی جگہ عبداللہ القحطانی نے لی تھی۔

یہ مقابلے جدہ کے کنگ عبداللہ سپورٹس سٹی کے اونیکس ارینا میں منعقد ہوں گے ، ایونٹ کا پہلا مقابلہ جمعہ 9 مئی کو ہوگا۔

جاری کئے گئے فائٹ کارڈ میں مشرق وسطیٰ کے متعدد نمایاں فائٹرز پہلی بار شرکت کر رہے ہیں۔ جن میں مراکش کے صلاح الدین ہملی، اردن کے عزالدین الدربانی، الجزائر کے یانس غموری اور عراق کے حسین سالم ہیں۔

سعودی عرب کے عبدالعزیز المعمر  سعودی گیمز2024  کے چیمپیئن اور متحدہ عرب امارات کے باصلاحیت فائٹر یوسف الحوسنی برازیلین جوجٹسو چیمپیئن سٹار فائٹرز شوکیس مقابلوں میں پہلی بار رنگ میں اتریں گے۔

پروفیشنل فائٹرز لیگ2025 کے مینا سیزن ون کا  مکمل فائٹ کارڈ اس طرح ہے۔

فیڈر ویٹ کوارٹر فائنل: عبداللہ القحطانی بمقابلہ اسلام رضا۔ لائٹ ویٹ کوارٹر فائنل: محسن محمدسیفی بمقابلہ احمد السیسی۔لائٹ ویٹ کوارٹر فائنل: صلاح الدین ہملی بمقابلہ عباس خان۔

فیڈر ویٹ کوارٹر فائنل:عزالدین الدربانی بمقابلہ یانس غموری۔ فلائی ویٹ شوکیس فائٹ: ملک بساحل بمقابلہ منتصر بوتوتا۔ فیڈر ویٹ کوارٹر فائنل: عبدالرحمن الیحصت بمقابلہ طٰہ بنداؤد۔ فیڈر ویٹ کوارٹر فائنل: حسین سالم بمقابلہ عاصم غانم۔لائٹ ویٹ کوارٹر فائنل:جارج عید بمقابلہ محمد فہمی۔ لائٹ ویٹ شوکیس فائٹ: احمد مکی بمقابلہ ہشام النمر۔لائٹ ویٹ کوارٹر فائنل:عبداللہ سلیم بمقابلہ سہیل طیری۔

فیڈر ویٹ شوکیس فائٹ: یوسف الحوسنی بمقابلہ نادر جیفل۔ایمیچر کیچ ویٹ 166پونڈ شوکیس فائٹ:عبدالعزیز بن معمر بمقابلہ فارس حمدانی۔