جارجیا....جارجیا میں پولیس اہلکار تیز رفتار کار میں مسافر نشست پر خلائی مخلوق کی شکل کی گڑیا دیکھ کر حیران رہ گئے۔ پولیس نے اس کے برابر بیٹھے ڈرائیور کو کار سے اتارا اور اسے زبانی وارننگ دی کیونکہ وہ مقررہ حد رفتار سے زیادہ تیزگاڑی چلا رہا تھا۔ اس سے سوال کیا گیاکہ آخر اس گڑیا کو ساتھ بٹھانے کی کیا وجہ تھی۔ وہ اس حوالے سے کوئی تسلی بخش جواب نہ دے سکا۔ پولیس کے محکمے کے ترجمان نے کہا کہ یہ گڑیا خلائی مخلوق کی شکل کی تھی۔ قد آورتھی اور اسکی بڑی بڑی آنکھیں تھیں۔ پہلی نظر میں ہی دیکھ کر لوگ ڈر سکتے ہیں۔ ڈرائیور گاڑی کو 84میل فی گھنٹے کی رفتار سے دوڑا رہا تھا۔ ڈرائیور سے بات چیت کے دوران پولیس افسرنے اس گڑیا کی تصاویر اتار کر سوشل میڈیا پر ڈالدیں۔
